Һөҗүмнәрдә яраланган 62 кешенең бишесе авыр хәлдә. 44 кеше хастаханәдә кала. 18 кеше, шул санда өч айлык һәм тугыз яшьлек балалар Мәскәү хастаханәләренә җибәрелгән. Аларның хәле дә авыр, дип хәбәр ителә.
Волгоград өлкәсендә бүген матәмнең дүртенче көне. Бәйрәм чаралары тыелган, халыктан урамда күңел ачмаска соралган.
Бүген 29 декабрь шартлавы алдыннан интихарчыны вокзалда туктатырга тырышкан полиция хезмәткәре Дмитрий Маковкинны җирләделәр, аңа үлеменнән соң Батырлык ордены тапшырылды.
29 һәм 30 декабрь шартлауларында Волгоградта 34 кеше һәлак булды. Һөҗүмнәрнең икесен дә интихарчылар оештырды, дип фаразлана.
Комментариев нет:
Отправить комментарий